Aziuns y proiec
Aziun calëndri d’ Advënt
Dal 1984 incá vëgnel fat l ‘aziun calëndri d’ Advënt dla ‘’Südtirol Katholischer Jugend‘‘. Vigni ann él n grup de jogn y jones che mët adöm n calënder che vëgn spo vonü fora por i paisc por sostegní deplü organisaziuns sciöche la Caritas o le Südtiroler Kinderdorf.
Por plü informaziuns drüca chiló.
Aziun trëi resc
Bele dal 1958 incá ejistl la tradiziun di 3 Resc te Südtirol: Vigni ann danter Nadé y Santaguania él i 3 Resc che vá fora por les ciases a porté la bona noela, benedí la ciasa y damané do proteziun y pesc por sü abitanc. Cun chësta aziun vëgnel ince coiü adöm spënores por sostegní deplü proiec por porsones che á debojëgn sura düt le monn.
Por plü informaziuns drüca chiló.
Dis de preparaziun al maridé
Pro i dis de preparaziun al maridé n’un vara nia de ti dé ales copies la rezeta por en matrimone saurí y zënza problems. Ara se trata indere de jí jö adöm a esperc deplü punc dl matrimone sciöche chestiuns iuridiches generales, afeziun y sessualité, costruziun de n bun raport de copia, gestí problematiches de copia, relaziun, ester geniturs, le matrimone y la dlijia.
Staziuns sö Oies
Aziun organisada dai grups di minis y dla schira jonila dla Val Badia adöm al grup dles families dla Unitè Pastorala y le Sorvisc ai Jogn.
Jí en prozesciun a Oies dijon les staziuns portades dant dai grups di minis y la schira jonila dla valada, y na Santa Mëssa sö Oies cun en pice buffet y aorela cörta ala fin!
Olimpiades di Ministranc
Por ringrazié i ministranc por le gran sorvisc che ai fej döt l’ann tles ploanies él gnü metü a jí les Olimpiades di Ministranc. Do la Santa Mëssa á i partezipanc ciafé l’ ocajiun da tó pert a de vigni sort de jüc, sciöche soghé al palé, jüć d’abilité, stafëta, basket y ii. cun na premiaziun ala fin dl de por premié les mius 3 scuadres. Chëstes é gnüdes tignides ai 23.07.2024.
Nüsc Proiec
Che al sides i proiec d’isté o cursc desvalis fora por l’ann, sön nosta plata proiec.org pitunse vigni sort de ativités por jogn y jones mo nia ma.
Por savëi deplü basta druché le botun chiló dessot:
Ütia de Pütia
Na ütia ai pisc dl crëp de Pütia, gestida dal Sorvisc ai Jogn adöm ala cöra de Balsan.
Por prenotaziun y deplü informaziuns jide a ciafé la plata internet dla Ütia de Pütia!