BËGNODÜS
SORVISC AI JOGN VAL BADIA KDS
Le Sorvisc ai Jogn Val Badia KDS é na istituziun por le sostëgn sussidiar ales porsones, ai grups, ales uniuns, ales assoziaziuns y istituziuns che se dá jö cun i mituns y i jogn de nosta valada.
Nosc fin prinzipal é da ti jí adincuntra ai debojügns y ales ghiranzes di mituns y di jogn, ciaran da tó sö vignun cun söes capazites y söa individualité. Por arjunje chësc fin conzepiunse y coordinunse proiec y manifestaziuns por chësc grup de travert.
Le Sorvisc ai Jogn é implü en rapresentant di mituns y di jogn tla sozieté y tla politica.
De nosc raiun de laur fej pert i cinch comuns dla Val Badia: Corvara, Badia, La Val, San Martin y Mareo sciöche ince les ploanies Corvara, Colfosch, San Ciascian, La Ila, Badia, La Val, Rina, San Martin, Antermëia, Lungiarü, Al Plan y La Pli.
Manifestaziuns atuales y proiec
-

HOCKEY NIGHT - jun al stadium!
En vëndres ai 11 de dezëmber acompagnará le Saj i jogn a ciaré la partida de hockey HCP cuntra KAC tla Intercable Arena da Bornech!
Sëise pronti da fá le tifo y da se devertí adöm a nos?
Eté de partezipaziun: dala terza mesana ala secunda scora alta
Iscriziuns dai 16 ai 22 de novëmber sön www.proiec.org *
Cost: 12 € (iade + ticket)
Posć limitá
* Recordesse da ajorné i dac di partezipanc o da fá n account
-

Oste deventé animadú*ëssa pro i proiec da d'isté Cool y My Summer?
Aldide aldide! I chiriun animadus y animadësses por i proiec da d’isté Cool y My Summer (5a elementara cina 2a mesana).
CI CHE I DAMANUN:
18 agn complis
flessibilité y motivaziun
vëia da lauré cun mituns dla scora mesana y alta
Patent B
Interessá po mené so CV por e-mail a vanessa@jogn.org anter i 11 de novëmber.
RAL da 22.250,48 € a 23.911,72 € lordo, proporzioné a les edemes de proiet y al orar de laur.
-

Edemes de formaziun - Cater referac por s'informé, capí y crësce deboriada
Cater incuntades sön tematiches importantes por le bëgnester y le crësce, por geniturs, insegnanc, personal educatif y dötes les porsones interessades. Na ocajiun por aprofondí, se confronté y imparé conescënzes nöies y stromënc d'öga tla vita da vignidé, personala y profescionala.
Les incuntades se dará jö cun cater tematiches: endometriosi, educaziun alimentara, prevenziun dl burnout y ADHD. Tres le dialogh y la condivijiun de informaziuns y esperiënzes, ó les incuntades porté pro a na majera sensibilisaziun, al bëgnester y pité impulsc concrec por afronté les desfides da vigni de.
10.11, 19:00-20:30
MACH DAS UNSICHTBARE SICHTBAR!Endometriosi, un’invisibile malattia cronica
Referënc: Dr. Andrea Calonaci y Dott.ssa Miriam Leopizzi
12.11, 19:00-20:30
LE BASI DELL’EDUCAZIONE ALIMENTARE
Una serata con Benedetta per fare chiarezza sui concetti fondamentali in campo nutrizionale
Referënta: Dott.ssa Benedetta Pillar
16.11, 19:00-20:30
BURNOUTPRÄVENTION
Raus aus der Stress- und Leistungsfalle
Referënta: Dr. Heike Torggler
18.11, 19:30-21:00
ADHD IN ETÀ EVOLUTIVA E ADULTA: VALUTAZIONE E TRATTAMENTO
Dalla diagnosi alle strategie per il benessere e l’autonomia
Referënta: Dott.ssa. Debora Galli
Les incuntades gnará tignides online sön zoom y la partezipaziun é debann.
-

Le zyklusshow por les mitans dala cuinta elementara ala secunda mesana
C é pa le ziclus y ci ál pa da fá cun me y mi corp?
Te chësc workshop ciarunse ite tl monn dl ziclus y imparun da le conësce cun material da corú, musiga y de piceres sorpreses. Adöm a d’atres mitans impararaste a conësce damí to corp y le ziclus.
Tolete para n plomac, cialzins cialc y na cutra.
TURNUS: sabeda, ai 17/10/2026 (09:00 - 14:00)
TURNUS: sabeda, ai 14/11/2026 (09:00 - 14:00)
Tl zënter dla Jonëza SaJ.un a La Ila (cost 5 €).
INFO:
Le numer de partezipantes é limité!
Le workshop sará por talian.
Les iscriziuns pó ma gní fates online sön le sit www.proiec.org* dal mercui ai 07.10 cina la domënia ai 11.10
*recordesse da ajorné i dac dles partezipantes/fá n account
SëRA DE INFORMAZIUN POR GENITURS:
mercui, ai 14/10/26 dales 19.00, tl Zënter dla Jonëza SaJ.un a La Ila -

Metun indô man adöm!
Le laur davert por la jonëza mët indô man ince por chësc ann de scora 2026-2027!
Da en mertesc ai 29/09 sarun indô ti locai di jogn y tles palestres dla valada por passé i domisdé de proiet adöm a düc i jogn y jones dles scores mesanes y altes. Por tó pert n'él nia debojëgn da se scrí ite y al é debann.Al vëgn metü a desposiziun en post olache vignun pó passé so tëmp lëde adöm cun compagns sënza presciuns y dovëis.
Gnide a nes ciafé y metun indô man adöm!
-

HEY! La challenge dl isté 2026
Le proiet HEY! pita na challenge nöia por l'isté 2026! Aste plü co 16 agn? Aste vëia da jí sö por munt? Spo partezipëia, deache al é n gröm de bi pesć!
Co che ël funzionëia?1. Passa a te do i adesifs HEY! *
2. Arjunj les pizes de tü crëp preferis
3. Taca ite n adesif tl liber dla piza
4. Mëna na foto al numer +39 371 478 0867 y partezipëia al’estraziun finala di pesć. Sce t’os poste ion ince se taghé sön i social
5. Por vigni piza arjunta, araste na chance implü da davagné de bi pesć.
DORADA dla challenge: 1 messé - 30 setëmber 2026
ESTRAZIUN di pesć: 5 otober 2026
(*) I adesifs ciafon tl ofize dl Saj a Picolin, tl bar Sport Pongo (La Ila), da Sport Tony (La Ila), da I dolci di Ricky (Badia), Malbo (Pidro), Complojer (Pidro), Optik Willy (Corvara).
N gran dilan ti vá a Sport Tony, Optik Willy y Complojer
-

WALK-IN consulënza
Le Sorvisc por les dependënzes dl’Aziënda Sanitara da Bornech pîta n sorvisc de consulënza por jogn, geniturs, adulc, esperc y assoziaziuns, sura alcohol, droghes y dependënza dal jüch.
Consulënzes cörtes che dëida, ince sce an resta pro na consulënza sora;
Orientamënt y sostëgn;
Informaziuns sön prighi, consum, compor-tamënt y prevenziun;
Sostëgn por familiars y esperc;
Confidenzial, debann, anonim;
Zënza termin y zënza complicaziuns.
La jöbia ai 9 de messé, ai 6 d’agost, ai 10 de setëmber, ai 15 d’otober, ai 12 de novëmber y ai 10 de dezëmber, dales 17:00 ales 19:00 (tl local sot al ofize dl Sorvisc ai Jogn).
-

NEON PARTY por la mesana
La scora é tosc rovada y porchël nes arjignunse da fá festa!
Ai 12 de jügn é düc chi dla scora MESANA dla Val Badia inviá ala Neon Party 2026 tl Saj.un a La Ila, dales 18 ales 22.
Por tó pert adoron le ticket, y chël pón cumpré diretamënter pro nos dl Saj te ofize, tratan i domisdé te palestra, ti locai o al Saj.un.
Le ticket costa 7€ y tol ite da mangé y da bëre, y sambëgn la bela festa! -

Por i jogn y les jones che á ligrëza da scrí y valch da orëi dí
Minunghes, pinsiers, poejies o ince ma na picia storia. Jogn y jones che á ligrëza da scrí y á val'pinsier o tematica da orëi partí cun le monn, ciafa la poscibilité da publiché düt chësc sön la plata di jogn che vëgn fora en iade al mëis tla Usc di Ladins!
Interessá pó mené sü tesć por e-mail á samuel@jogn.org
-

Glanzleistung Junges Ehrenamt 2025
Ai 12.06 a Trënt á le Sorvisc ai Jogn adüm a nüsc amisc dla Neus Jëuni Gherdëina podü tó incuntra le pest "Glanzleistung Junges Ehrenamt", n onoranza dl Euregio che premiëia jogn y proiec che se dá jö cun le volontariat tl Tirol, Südtirol y Trentin.
Le pest é gnü pié do da nosc presidënt Felix Nagler, nosta ex presidënta Nadja Alfreider, l'ex vize presidënt Paul Pisching, nosc mëmber dl consëi Luca Comploi y Lois Kastlunger, che á daidé mët sö le Sorvisc ai Jogn dan da 40 agn
-

Le canal Whatsapp dl Sorvisc ai Jogn
Sce i orëis savëi ci che l'SaJ y i grups di jogn dla valada é drio a mët a jí spo ciarede ite te nosc nü canal Whatsapp
Le link é chësc chiló:
-

L’ALCOL PÓ ESTER BUN... da fá de bi dagns!
Bele tl 2022 él gnü presenté i resultac dl’analisa RAR, fata dal Forum Prävention sön inciaria di Comuns dla Val Badia, sura le consum de alcol da pert di jogn te nosta valada.
Da plü o manco n ann incá se dá jö le grup de laur de chësc proiet cun la realisaziun de n video dla dorada de ca. 17 menüc te 3 lingac. Por chësc proiet él gnü trat ite porsones, en pert ince dla Val Badia, che é stades bunes da superé na dependënza dal alcol, familiars de dependënc y ince profescionisć tl ciamp dla terapia, por cunté süa esperiënza. L'autur dl video, Manfred Feichter da Mühlen, s’á lascé tomé ite deplü pinsiers che ó fá ponsé sura.
Le video é da ciafé tla mediateca dl Istitut Ladin Micurá de Rü. Le link é chësc chiló:
Laur davert por la jonëza
Le proiet Laur davert por la jonëza ti vëgn pité a düc i jogn y les jones dai 11 agn insö tratan le tëmp de scora. Tratan les ores de daurida acompagnades, ciafa i jogn y jones dla scora mesana y alta la poscibilité da s’ incunté y passé so tëmp lëde adöm cun compagns. Implü ti vëgnel pité de vigni sort de ativités, olache ai pó se devertí.
-
Aladô de nosc statut é i cin' comuns y les 12 cöres dla Val Badia nüsc portadus co se sostëgn vigne ann cun so contribut finanziar y moral. Tres i portadus podunse prejenté vigne ann danü en bel program de ativités y manifestaziuns a bëgn de nosta jonëza.
L'ufize dla jonëza ladina dla Provinzia Autonoma da Balsan sostëgn cun finanziamënc nosta ativité aladô dla lege provinziala nr. 13 dai 01.06.1983
-
Te nosc laur da vigni de laorunse tres indo adöm cun tröpes istituziuns por arjunje insciö nüsc fins a bëgn dla jonëza de nosta valada.
Le laur de rëi é dër important y arichësc nosc laur. Da chëstes istituziuns ciafunse ince en contribut finanziar por nosc laur y nüsc proiec.
Chiló dessot ciafeste en valgönes misciuns che podess te ester ütles.
-
Aladô dla lege nr. 124 dai 4.8.2017, art. 125-127 é vigni istituziun obliada da comuniché tres sü portai online, anter jügn de vigni ann, i contribuc publichs, sovenziuns, inciaries paiades, sciöche atri contribuc sura i € 10.000,00 ciafá tl ann denant.
Chiló dessot ciafeste düc nüsc contribuc di agn passá:
-
Chiló dessot ciafeste le statut de nosta organisaziun:
Nüsc Proiec
Che al sides i proiec d’isté o cursc desvalis fora por l’ann, sön nosta plata proiec.org pitunse vigni sort de ativités por jogn y jones mo nia ma.
Por savëi deplü basta druché le botun chiló dessot:
Ativités Pastorales
Les ativités pastorales é referac y ativités che porta i jogn/les jones a sté adöm y s´la cunté deboriada, cun la poscibilité da se baraté fora minunghes y idees.
Chëstes ativités dess porté i jogn/les jones a ponsé do y a mioré la confidënza che ai á te ëi instësc, a se dé jö cun momënc de spiritualité y a imparé da vire la fede te de vigni sort de situaziuns dla vita da vigni de.
Les ativités é modernes, spirituales, creatives y davertes a düc.
Nosc team!
-

Sybille Pescoll - COORDINADËSSA
-

Vanessa Obwegs
-

Odette Ploner
-

Julia Fistill
-

Elena Masutti
371 478 0867
Ütia de Pütia
Na ütia ai pisc dl crëp de Pütia, gestida dal Sorvisc ai Jogn adöm ala cöra de Balsan.
Por prenotaziun y deplü informaziuns jide a ciafé la plata internet dla Ütia de Pütia!