BËGNODÜS
SORVISC AI JOGN VAL BADIA KDS
Le Sorvisc ai Jogn Val Badia KDS é na istituziun por le sostëgn sussidiar ales porsones, ai grups, ales uniuns, ales assoziaziuns y istituziuns che se dá jö cun i mituns y i jogn de nosta valada.
Nosc fin prinzipal é da ti jí adincuntra ai debojügns y ales ghiranzes di mituns y di jogn, ciaran da tó sö vignun cun söes capazites y söa individualité. Por arjunje chësc fin conzepiunse y coordinunse proiec y manifestaziuns por chësc grup de travert.
Le Sorvisc ai Jogn é implü en rapresentant di mituns y di jogn tla sozieté y tla politica.
De nosc raiun de laur fej pert i cinch comuns dla Val Badia: Corvara, Badia, La Val, San Martin y Mareo sciöche ince les ploanies Corvara, Colfosch, San Ciascian, La Ila, Badia, La Val, Rina, San Martin, Antermëia, Lungiarü, Al Plan y La Pli.
Manifestaziuns atuales y proiec
-
Sorvisc de consulënza
Aste debojëgn de sostëgn? Oste baié cun zacai de tü crüzi, problems y conflic personai, te familia, te scora o söl laur?
Ressoluziun di conflic sciöche percurs dal malester al bëgnester, por mioré la cualité de nosta vita.
La consulënza vëgn tignida vigni secunda jöbia dl mëis tl Zënter SaJ.un a La Ila (Ciasa de Cultura, alzada -2) y vigni cuarta jöbia dl mëis tl zënter pedagogich a Piculin (alzada -2, entrada a pert), dales 15:00 ales 19:00.
Sce t’os anuzé chësc sorvisc este perié/periada de tó n apuntamënt cherdan sö Simon Kostner (consulënt positif di conflic zertifiché dala “Deutsche Gesellschaft für Positive Psychotherapie”) al nr. 347/2600727.
Le sorvisc é debann y al vëgn pité la mascima discreziun.
-
Por i jogn y les jones che á ligrëza da scrí y valch da orëi dí
Minunghes, pinsiers, poejies o ince ma na picia storia. Jogn y jones che á ligrëza da scrí y á val'pinsier o tematica da orëi partí cun le monn, ciafa la poscibilité da publiché düt chësc sön la plata di jogn che vëgn fora en iade al mëis tla Usc di Ladins!
Interessá pó mené sü tesć por e-mail á samuel@jogn.org
-
Les iscriziuns ai proiec da d'isté scomëncia tosc!
Les brosciüres por i proiec da d'isté é indô te nostes mans y chël ó dí: Tosc mët man les iscriziun!
Les dates de scomenciamënt é chëstes:
Lönesc, 24.02 dales 19:00 por l’Isté Deboriada
Mertesc, 25.02 dales 19:00 por l’My Summer y dales 20:00 por l’Cool Summer.LES ISCRIZIUNS VËGN FATES ONLINE SÖN LA PLATA: www.proiec.org
Deplü informaziuns podëis ciafé tla brosciüra o sön la plata internet di proiec. -
En consëi por l' Isté Deboriada 2025
A düc i geniturs che ó scrí ite sü mituns al Isté Deboriada tl 2025 orunse dassën acunsié da fá l’abonamënt al ABO+ por fá plü scëmpl l’ transport di mituns cun l’ bus publich y por ves sparagné en cost che gniss scenó lapró cun l’ paiamënt dles chertes!
-
Dis de preparaziun al maridé
En sabeda 29 y domënia 30 de merz vëgnel metü a jí i dis de preparaziun al maridé. Le curs gnará tigní tl Zënter dla Jonëza y dla cultura Saj.un a La Ila y sará por ladin cun na picera pert ince por todësch.
Se scrí ite pon tres telefon al numer 342 841 0721 o por email a odette@jogn.org, anter lönesc 17 de merz. I posć é limitá!
Chiló dessot poste te desćiarié dötes les informaziuns y le program!
-
L’ALCOL PÓ ESTER BUN... da fá de bi dagns!
Bele tl 2022 él gnü presenté i resultac dl’analisa RAR, fata dal Forum Prävention sön inciaria di Comuns dla Val Badia, sura le consum de alcol da pert di jogn te nosta valada.
Da plü o manco n ann incá se dá jö le grup de laur de chësc proiet cun la realisaziun de n video dla dorada de ca. 17 menüc te 3 lingac. Por chësc proiet él gnü trat ite porsones, en pert ince dla Val Badia, che é stades bunes da superé na dependënza dal alcol, familiars de dependënc y ince profescionisć tl ciamp dla terapia, por cunté süa esperiënza. L'autur dl video, Manfred Feichter da Mühlen, s’á lascé tomé ite deplü pinsiers che ó fá ponsé sura.
Le video é da ciafé tla mediateca dl Istitut Ladin Micurá de Rü. Le link é chësc chiló:
-
Le canal Whatsapp dl Sorvisc ai Jogn
Sce i orëis savëi ci che l'SaJ y i grups di jogn dla valada é drio a mët a jí spo ciarede ite te nosc nü canal Whatsapp
Le link é chësc chiló:
Laur davert por la jonëza
Le proiet Laur davert por la jonëza ti vëgn pité a düc i jogn y les jones dai 11 agn insö tratan le tëmp de scora. Tratan les ores de daurida acompagnades, ciafa i jogn y jones dla scora mesana y alta la poscibilité da s’ incunté y passé so tëmp lëde adöm cun compagns. Implü ti vëgnel pité de vigni sort de ativités, olache ai pó se devertí.
-
Aladô de nosc statut é i cin' comuns y les 12 cöres dla Val Badia nüsc portadus co se sostëgn vigne ann cun so contribut finanziar y moral. Tres i portadus podunse prejenté vigne ann danü en bel program de ativités y manifestaziuns a bëgn de nosta jonëza.
L'ufize dla jonëza ladina dla Provinzia Autonoma da Balsan sostëgn cun finanziamënc nosta ativité aladô dla lege provinziala nr. 13 dai 01.06.1983
-
Te nosc laur da vigni de laorunse tres indo adöm cun tröpes istituziuns por arjunje insciö nüsc fins a bëgn dla jonëza de nosta valada.
Le laur de rëi é dër important y arichësc nosc laur. Da chëstes istituziuns ciafunse ince en contribut finanziar por nosc laur y nüsc proiec.
Chiló dessot ciafeste en valgönes misciuns che podess te ester ütles.
-
Aladô dla lege nr. 124 dai 4.8.2017, art. 125-127 é vigni istituziun obliada da comuniché tres sü portai online, anter jügn de vigni ann, i contribuc publichs, sovenziuns, inciaries paiades, sciöche atri contribuc sura i € 10.000,00 ciafá tl ann denant.
Chiló dessot ciafeste düc nüsc contribuc di agn passá:
-
Chiló dessot ciafeste le statut de nosta organisaziun:
Nüsc Proiec
Che al sides i proiec d’isté o cursc desvalis fora por l’ann, sön nosta plata proiec.org pitunse vigni sort de ativités por jogn y jones mo nia ma.
Por savëi deplü basta druché le botun chiló dessot:
Ativités Pastorales
Les ativités pastorales é referac y ativités che porta i jogn/les jones a sté adöm y s´la cunté deboriada, cun la poscibilité da se baraté fora minunghes y idees.
Chëstes ativités dess porté i jogn/les jones a ponsé do y a mioré la confidënza che ai á te ëi instësc, a se dé jö cun momënc de spiritualité y a imparé da vire la fede te de vigni sort de situaziuns dla vita da vigni de.
Les ativités é modernes, spirituales, creatives y davertes a düc.
Nosc team!
-
Sybille Pescoll - COORDINADËSSA
-
Vanessa Obwegs
-
Samuel Debon
-
Odette Ploner
-
Elena Masutti
371 478 0867
-
Karlheinz Rubatscher
Volontar
Ütia de Pütia
Na ütia ai pisc dl crëp de Pütia, gestida dal Sorvisc ai Jogn adöm ala cöra de Balsan.
Por prenotaziun y deplü informaziuns jide a ciafé la plata internet dla Ütia de Pütia!